Birotaqlı Ev

Исполнитель: Orxan Zeynallı (AiD)

Ailədə üç uşaq idik, üçümüz də tez böyüdük
Ya illər tələsdi, ya da qocalmağı böyümək zənn etmək
Zamanın təkid etdiyi bir həvəsdi,
İnanıb yaşlanıram, biraz olar gəldim işdən evə
Bağışla, söhbətə heç vaxt salamdan başlamıram
Piyada gəldim istədim biraz yağışda qalım
Sən Allah!
Bağışla halım pisdi biraz kefim də yoxdu sən deyən
Hardasa artıq 18 ildi
Sağ qonşum bərbər bax bu böyürdəkisə gizirdi
Hərbi hissə var burda bayaq topayla əsgərlər gəzirdi
Gəl, çay süzüm bağışla ev də törtöküntüdü
Tək qalıram səliqə, tək qalan kişini hörküdür
Damım damır, evdə darıxmıram yağışçün
Yoxdu deyə, qapım açıq deyil dost-tanışçün
96cı ildən çəkirəm bu zibili
Cəhənnəm xatırladar mənə Bakını
Necə Hüseyn Cavidə Sibiri
 
Pəncərəmdən, görünən yaraşıqlı şəhər üşüdür məni
Gözlərindən, susaraq danışım həyatım eşidir məni
Tək qalanda, birotaqlı dünyamda dörd divar içində
Boğulur sevgilər içimdə, doğulur ağrılar içimdə
 
İlk səsi eşidən kimi qaçmışdım çölə uşaqlar həyətdəydi
Gözümə qürubun elçisi olan qırmızı şəfəqlər dəydi
Əzrail üfüqdəydi,
Gülləylə bir qanad çalıb
Canın alıb doğmalarımın ölümü önümdəydi
Güllələrtək yetişən ailə 4 gülləylə yarım qaldı
Qızımla qaçdım meşəyə o biri dünyada yarım qaldı
Budaqlardan çiynimə tökülən qar əriyir qandan
Alışmış evlərdəki nalələrdən əriyir damlar
Mərd insanlar döyüşdə ölümə qərq insanlar
İllərin ağrıların mücrülərtək qəlbim saxlar
Əllərimi açıb yalvardım ay Allah dəyiş alın yazımı
Əllərimin içində vurdular ayaqyalın qızımı
Qalıb döyüşdüm iki il qaçmadım Azərbaycandan
Heyif qaytarmadı itirdiyim canları aldığım canlar
Soyadımı daşımağa biri qalmayıb həyatda bu da bir dərd
(Heç kim qalmayıb)
Adımısa bəlkə öləndən sonra daşıyar küçə ya məktəb